search

حكاية بنت الأيه.. العشم

كتبت - ندى أباظة 

بيقولك العشم الزيادة بيخلى قفاك سجادة..

العشم مش معناه أننا نتعامل مع بعض بلغة المصالح، مش معناه اننا نبقى أنانيين ونهتم بس بأنفسنا ونحقق رغباتنا ومطلبانا ولو على حساب حياة وراحة غيرنا، مش معناه أننا نلغى أقل الأداب والذوقيات فى التعامل بينا، مش معناه انى أعمل اللى أعمله، أجرح وأزعل أقرب الناس ليا وبعد كده أجى ولا كأنى عملت حاجة وعايزهم يسامحونى وينسوا الإساءة لأنى كنت عشمان فيهم، مش معناه انى أخترق حدود الخصوصية وأضايق غيرى وأتدخل فى حياتهم وأبيح لنفسى استخدام أشياء وصلاحيات مش من حقوقى وانما أخذتها بالحق المكتسب، مش معناه حب السيطرة والانفراد بالرأى وإلغاء الطرف الآخر، مش معناه أن أنا من حقى الراحة وغيرى لازم يتعب عشان خاطرى، مش معناه أنى أفضل دايما أخد من غير ما أدى، مش معناه أنى أحرج غيرى وأستغل حيائه وأطلب منه طلبات كتير وأحمله فوق طاقته وده هيبقى من سوء أخلاقنا وده هيحقق معنى المقولة (ما أخذ بسيف الحياء فهو حرام ) فلو مفهمناش العشم صح هيبقى زى ما قالوا (عشم غشم) و (على قد العشم يأتى الخازوق).

العشم هيبقى معنى رائع و جميل و فى حاجات كتير حلوة، بس لو مناخدوش وسيلة لقلة الذوق والطمع والاستغلال ولا شماعة للهروب من أخطائنا ولا شكل من أشكال الضغط على الشخص الآخر.

لو هتعشم فى الطرف التانى أنه يساعدنى وفى نفس الوقت محملهوش فوق طاقته وأراعيه لو مقدرش يساعدنى وألتمسلوا الأعذار لو مكانش قد عشمى فيه لو أتعشم وفى نفس الوقت ما أتعداش على حقوق وحدود وحرية غيرى.

لو هتعشم يبقى فى نفس الوقت يكون عندى ذوق وأعرف أقول شكرا وأكون ممتن بجد لمحبة واهتمام الآخرين.. لو هتعشم ان أقرب الناس ليا يستحملونى وقت محنتى يبقى فى نفس الوقت معملش حاجة تجرحهم وأحترم وأراعى مشاعرهم وإحساسهم وأخاف على زعلهم.. لو هتعشم يبقى فى نفس الوقت أعرف أنه لازم يبقى فيه جهد وعطاء مشترك لأن واحد بس ميكفيش أن العلاقة تستمر وتبقى قوية.

لو هتعشم يبقى فى نفس الوقت أعرف أن العشم ما يكونش إلا بالحب والرضا وأن المفروض أن الإنسان اللى بتعشم فيه ده شايفاه أقرب الناس ليا .. يولازم يكون من أكتر الأشخاص اللى بأحرص على الحفاظ على مشاعره وتقديره واحترامه ووجوده فى حياتى.

لو فهمنا معنى العشم وطبقناه صح هنلاقى إيجابيات للعشم و هنلاقى عشمنا فى الناس بيطلع صح أه والله زى ما بقولكوا كدة.

"الخلاصة :  أوعى تخلى شجرة عشمك تطرح "خوازيق".

 

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments