search

المسرحية

كتبت آلاء حجازى

المشهد الاول: "الفريق أحمد شفيق يُعلن من الإمارات المتحدة إعلان ترشحه لرئاسة جمهورية مصر العربية".

المشهد الثانى: "ترحيل الفريق أحمد شفيق".

المشهد الثالث: "أنا هترشح للرئاسة و لو كسبت هتنازل عن الرئاسة للسيسى، أصل مراتي بتحبه أوى".

المشهد الرابع: "مرتضى منصور يعلن ترشحه للرئاسة".

المشهد الخامس: "حضور مرتضى منصور بعد إعلانه الترشح بيوم لحملة دعم عبدالفتاح السيسى لفترة رئاسية جديدة".

المشهد السادس: "الفريق سامى عنان يُعلن ترشحه للرئاسة".

المشهد السابع: "إلقاء القبض على الفريق سامى عنان بتهمة التزوير لإعلانه الترشح للإنتخابات دون الحصول على الموافقة من القوات المسلحة بإعتباره على قوة الإحتياط".

المشهد الثامن: "حزب النور السلفي يدعم الرئيس السيسي لفترة رئاسية جديدة".

مسرحية كوميدية هزلية مش كدة؟ للأسف هة دى خشبة المسرح "مصر" فى الفترة دى، وإحنا كشعب طبيعى جداً إن دورنا يكون مُقتصر على إننا جمهور ومش أى جمهور كمان ده إحنا جمهور سلبى مش بيتفاعل مع أى حاجة بتحصل قُدامنا على خشبة المسرح إحنا جايين بس نتفرج ونتأثر، شوية نضحك وشوية نبكى وشوية نبقى مش فاهمين حاجة من اللى إحنا شايفينه.. ولا كأن ده مسرحنا وديه بلدنا مع إننا المفروض نكون أصحاب المسرحية؛ نكون إحنا المخرج اللى بيتحكم فى تفاصيل مشاهد المسرحية اللى كلمته بتتسمع وعلى الممثلين إنهم يسمعوا كلامه لأن هما جايين ينفذوا رؤيته على أرض الواقع و"خشبة المسرح".

طب وإحنا هنفضل كدة لحد إمتى؟ بقينا عايشين عشان ناكل ونشرب وبنشتغل - شغل مش بنحبه - عشان نجيب الأكل والشرب وبقينا بنتطحن عشان مانلاقيش وقت نفكر فيه لأى حاجة تانية ونفضل كدة جمهور بس! بس إحنا شعب عنده إقتناع وبيقول الحمدالله على كُل حاجة، إحنا لازم يبقى عندنا طموح وقُدرة على الإختيار ونتعلم إزاي نقول لا وإمتى نقول حاضر لان إحنا اللى فى إيدينا نعمر وننمي ونحسن حال أى حاجة ما هو أصل إحنا الشباب والقوة.

إحنا ربنا خلقنا أحرار ومحدش ليه أى حق أبداً يتحكم في حُريتنا، إتعلموا الحرية وعلموها لأولادكم وماتخلوش أى شخص يحُط حدود لحرية ولادكم زى ما ربنا خلقنا أحرار لازم نموت أحرار.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments