search

Writer

How do you feel about the article?

أنا مش عارفنى

كتبت شذى أسامة

لو انت مصاحب والحياة "بمبي بمبي"، متقراش والنبي احنا مش ناقصين. حبايبى "السناجل" بقي نضم على بعض كده، هو احنا شفافين يا جماعة؟ هو ليه كل ما حد يقرب مننا يإما يبقى مش "أور تابيب" أو مصاحب أو أهبل أو دين مختلف مثلا؟

طب الناس اللي رايحة جاية بتصاحب دي بيعملوها ازاي؟ بتلاقوهم فين بجد يعني؟ ازاي يبقوا لسة طالعين من "ريلاشين شيب" وعمالين يسمعوا في محمد محي وهوب بعديها بأسبوعين قلبوا عمرو دياب ولقوا "سولميت" عاشر و"السوشيال ميديا" متغرقة صور و"تعاهدنا على السير معاً وبلا بلا بلا"، النقلة العاطفية والنفسية دي بتعملوها ازاي يا كفاااار؟!

نسيبنا من الناس ونركز في نفسنا لو حد بقي اتهبل في دماغه وحب يخرجنا من "الزون" اللي احنا فيها دي وحاول يقرب...عينك ما تشوف الا النور، بيبقي يوم أسود على دماغه يعيني ونُعد نطلع فيه "القطط الفاطسة". المهم ان بعد ما "بنرفص" النعمة نُقعد نعيط بقي ونقول "محدش مهتم بي" و"انا لوحدي في الدنيا دي"...يخرب بيت التناقض!  بس واحنا بنعمل كدة مبنبقاش واعيين، احنا مش عاجبنا حالنا وفي نفس الوقت مش عارفين نغيره. ربنا ما يوريك الزون دي والله عشان لو دخلتها مش هتعرف تخرج منها...ابداً...ابداً.

طب هل احنا اللي مستنيين العلاقة الصح ومفيش علاقة صح والتانيين هم اللي فاهمين الدنيا صح؟ ولا احنا اللي خايفين نقرب من حد وخوفنا دة اللي مخلينا "لونرز" كدا وبائسين؟!!! ولفي بينا يا دنيا...

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments