search

Writer

How do you feel about the article?

سقف توقعاتى هيموتني يا معتز.. 5حاجات توديك انت وتوقعاتك فى داهية

كتبت بسنت عبد الشافى

أعتقد أن مفيش أكتر من خيبة الأمل الفظيعة اللى بنُصاب بيها لما رد فعل معين متوقعينه ميجيش.. كل أحلامنا وحبنا للى قدامنا "بيتهبد" على الأرض تقريبًا وبنبتدى ندخل في دوامة اكتئاب علشان مش ده اللى كنا عايزينه او مستنينه وأوقات بنخسر اللى حوالينا بسبب توقعتنا اللى هما مكانوش قدها.

ويجي السؤال المهم: اعمل ايه علشان سقف توقعاتى مينهارش فوق دماغى؟

جبنالك الحل عن طريق ٥ حاجات..

1 - الأفورة الحب قوى والعشم قوى والرومانسية الزيادة دايمًا مش فى صالحك.. حوار أنك تتعلق بشخص معين من موقفين حلوين وتحس انه الدنيا وما فيها غالباً هينتهى بخيبة أمل فظيعة رهيبة لمجرد أنك حطيت الشخص ده فى مكانه اللى مش مناسب إطلاقاً.

2 - الكراسة الصفرا

أنك تفضل فاكر اتجدعنت مع مين ووقفت جنب مين ومين أنت ساعدتهم وبتطلب منهم كلهم أنهم يقفوا جانبك ويساعدوك لما تحصل مشكلة أو أزمة فى حياتك ده تانى أكبر غلط ممكن تمر بيه.. أوقات كتير الدنيا مش هات وخد ولما تدى مش لازم تاخد من نفس الشخص اللى اديته.. حاول مساعدتك للناس تبقى بنية أن ربنا ينجدك وقت ضيقة بس مش لازم عن طريق نفس الناس اللى أنت كاتبهم في الكراسة الصفرا.

3 - هو كدا بالعافية

"أيوه لازم تحبونى بالشكل ده وبالعافية حتى لو ده مش طبعكم أو تفكيركم بس أنا عاوز ده".

أوقات بنحب الناس بطريقة معينة وشايفيين أن هى دى الطريقة الصح بغض النظر عن أن ده مش طبعهم مثلا فالشخص اللى مبيحبش الكلام فى التليفون غلط واللى مبيحبوش الورد غلط واللى ظروفهم مش سامحه انهم ينزلوا غلط لان طريقتى فى الحب مختلفة وأنا شايف ان دى الطريقة المناسبة وعشان كده افعالهم عكس توقعاتى.

4 - الاستعباد

لازم نعرف أن اللى حوالينا واللى بنحبهم مش شغالين عندنا ومش متفرغين لينا الـ24 ساعة.. هما ليهم مشاكلهم وهمومهم وظروفهم اللى ممكن نكون مش عارفين عنها حاجة، بلاش معاملة العبد دى يا جماعة محدش فينا بيملك حد أو في حد بتاع حد لوحده.

5 - الاهتمام مبيطلبش

اثبتت هند صبرى بالدليل القاطع ان الاهتمام بيطلب عادى أهو ومفيش إشكال خالص يعنى وان الحوار دايمًا أهم حاجة فى أى علاقة مهما كانت نوعها، متستناش لما حد يجي يكلمك ويسألك مالك عشان تقول.. اتكلم وعرف اللى حواليك ايه بتحبه وايه لا، واحكي ازاى يومك كان وحش وأنك محتاجهم ومتستناش الإهتمام علشان هتفضل مستني كتير أوى.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments