search

جحيم الثانوية العامة

كتب محمد عصام

هحاول اتكلم جد شوية عن النقطة الفاصلة فى حياة ناس كتير وأنا أولهم، كان حلمى أدخل هندسة والحمدلله جبت 96% و دخلتها، بس أنا فاشل.. أن يبقى فى أيدى أجيب 100% و مجبهاش أنا كدة فشلت مش نجحت خصوصًا إنها سهلة أوى.

اللى مش مصدقنى يجرب يسأل أى حد خلص ثانوية أياً كان هو فى كلية ايه و يقولوا هى الثانوية صعبة!؟ - بكل تأكيد هيقولك لأ .. أُمال مجبتش مجموع ليه !؟ - علشان معملتش اللى عليا، لو كنت ذاكرت آخر شهرين اللى أنت فيهم دول كنت جبت مجموع كبير.

خلينا متفقين اننا اللى عملنا للثانوية زيطة و خليناها جحيم و كأنها نهاية العالم.. وللأسف الصعب فيها مش المواد انما الضغط اللى حوالينا بسببها.. اللى دخل طب وهندسة مش انسان ناجح واللى فى تجارة وحقوق فاشل، وانتوا عارفين أمثلة كتيرة أوى مش محتاج أقولها، وانجح من المهندسين و الدكاترة مليون مرة.

أهلك مش أهم حاجة عندهم مش الكلية إنما المجموع.. أن زى ما هما عملوا اللى عليهم معاك عايزين يشوفوا نتيجة ده هات 95 % او حتى 100% و قولهم هدخل صناعى حتى محدش هيعارضك لأنك عملت اللى عليك زيهم بالظبط.

من الأخر و الله الفرصة لسة فى أيدك أنك تجيب مجموع .. و أدخل الكلية اللى بتحبها و بلاش تطلع لنفسك أعذار لأن محدش قصر معاك فى حاجة فأنت كمان متقصرش فى حق نفسك، اتعب أخر شهرين دول حتى لو متعرفش أى حاجة فى المواد وصدقنى هتشوف نتيجة تعبك فى الآخر وفى أمثلة كتير أوى لصحابى ومعايا فى الكلية   قرروا يبدأوا من دلوقتى و فعلا الحمد لله ربنا جزاهم خير علشان مكسلوش .. و أفتكر ان لكل مجتهد نصيب.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments