search

الاندر ايدج.. مابين التقليد الأعمى وغياب الرقابة

كتبت فاطمة عادل

الفترة اللى فاتت انتشر كام فيديو لشباب "الاندر ايدج" اللى بقالهم فترة كده واكلين الجو بأفعالهم الغريبة، بالإضافة لأنهم مش بيدوا افادة كبيرة للبلد الصراحة بحكم أنهم لسه طلبة صغيرين، طبعًا السوشيال ميديا اتقلبت على اخر ما وصلوا ليه من أفعال غريبة وهى ان البنت تطلع من المدرسة تتفاجئ بحبيب القلب - اللى لسه بياخد مصروف من باباه ومامته - يديها هدية ويحضنها ويبوسها كمان - اه والله زى مبقولك كده يبوسها - فى وسط الشارع ولا كأننا اتربينا أصلاً، ودول بقى يتقال عليهم (انثي كلب البحر و كائن الجربوع في مرحله نموهم )، أنا بجد نفسي أمى تشوفهم علشان تعرف ان بنتها والله متربية .جداً وان احنا ملائكة وسطيهم

فكرة الحب حلوة جداً والتعبير عنه بيختلف من فرد لفرد، بس الفكرة هنا أن الأطفال دول مبقاش فيه عندهم رقابة، وبغزو السوشيال ميديا أفكارنا وحبنا الشديد لتقليد الغرب، ده خلهم يعملوا كده فى وسط مجتمع شرقى بيرفض الحاجات دى،بقينا بنقلد أى حاجة بنشوفها بتحصل بره وخلاص مش شرط بقى صح ولا غلط، لغينا دماغنا خالص، مش مقتنعين أن الشباب دى لسه سنهم صغير وبيعملو حاجات لا بتناسب سنهم ولا أخلاقنا اللى اتربينا عليها، وبالتالى تعلقيات الناس ورد فعلهم كله شتيمه وبس

 

بس السؤال هنا بقى مش خايفين من ربنا يعني؟ أنتى كبنت مش خايفة يتقال عليكى ايه لما الناس كلها شايفاكي وأنتى بتتشالى وتتباسى؟ ..كمان سؤال هو فين أهلكوا من ده كله؟ ..رسالة إلى كل أب وأم ياريت فعلا تحافظوا على أولادكم فى السن ده، علشان تخلصونا من الأشكال دى.

How do you feel about the article

  • Love
  • Wow
  • Sad
  • Fun
  • Great

Search

Hot Topics

feelings

5 things to do in order to gain control over the Media

Geny Team

تلفيزيون

عندما تكون ركبة رونالدو أهم من وجود نيمار

بسنت عبد الشافي

feelings

5 things to do in order to gain control over the Media

Geny Team

Related posts

Comments